وطـــن

سوادکوه آب و هوا دور بگردم            پل سفید و زیرآب و هم شیرگاه دور بگردم

لیند والاشت و ممشی خله خوار           من شه کارمزد با صفا دور بگردم

آزاد مهر د راهی ، راه بونه کج          یلاق کوه هدار، بندرمه راه دور بگردم

انجیرتنگه  ،  لله بند  و  ویونک          آپون  بچا  بچا  وا  دور بگردم

طلای  سیاه  گنه  دارنه   اینجه           من   ته  کارگرا   دور   بگردم

هر چند دیم سیوه خسته هلاکنه            کلاه و چراغ دیم سیا دور بگردم

سرمه بکشی چش، دیم مشت خنده          ته خسه تن و کار بی ریا دور بگردم

مهربون ،  زحمتکش ،  با ایمون          شه کارمزدی براء  دور  بگردم

گزوء  سه تن  برار  امه  افتخار          جان سید خواخر برا دور بگردم

امام زاده قاسم و علی، با صفا             امام زاده حسن شهدا دور بگردم

مسجد جامع نشون دین و ایمون            بنسلوه تپه، جمع سه تا چار تا دور بگردم

حسینیه شهدا و بالا مسجد صاحب         ته اذان و قشنگ دعا دور بگردم

گمند و سرکلوم پائین تر ایستگاه            من  شه  خوار  اذا  دور  بگردم

مریاشت ، پلمیور ، بالا  فکندک           خنه ور خله خوار ، یور هوا دور بگردم

اسبه طاقه  تپه سر  دل بونه وا              مراد چشمه سر ونگ و وا دور بگردم

مس تلار ، کهو چشمه با وک اسسل        هلی اشت همند با صفا دور بگردم

وطن مه پاره  تن مه شب وروز            ته کوهو کمر ، تنگ تنگ راه دور بگردم

وطن ته سر فراز بوای همیشه              ته اون خاک طلا  دور بگردم

ممد یاد وطن جلا دنه دل             ونه افتابه ته،صبح روجا دوربگردم                        

کارمزد ی مه هرج دوم مه ذکره          کارمزد محل و کارمزد راه دور بگردم

                              محمد رضا مسکینی